19 October 2016
Skuadra e Bashkimit sot është nikoqire e Kumanovës në kuadër të xhiros së dytë të Grupit A në Sigal Uniqa Ligën Ballkanike (BIBL).
Kjo ndeshje do të zhvillohet me fillim nga ora 19:00 në palestrën e sporteve “Sezai Surroi” në Prizren.
Në takimin e parë në kuadër të BIBL-it, Bashkimi pati pësuar disfatë si mysafir në përballje me Kozuv-in në Gjevgjeli të Maqedonisë.
Ndërkaq kundërshtari i sotëm i Bashkimit, skuadra e Kumanovës në duelin e parë në BIBL ka triumfuar ndaj Teodo-s.
Përballja në mes prizrenasve dhe maqedonasve pritet të jetë shumë interesante dhe me rivalitet të madh në parket, ndërsa nikoqirët besojnë se me përkrahjen e tifozëve do t’ia dalin që ta shënojnë fitoren e parë në Ligën Ballkanike.