Belegu u takua me Demirelin sot në Stamboll

Kryetari i Federatës së Basketbollit të Kosovës (FBK) sot në Stamboll është takuar me presidentin e FIBA Europe, Turgay Demirel. Gjatë këtij takimi numri një i FBK-së, e ka njoftuar kreun e FIBA Europe për zhvillimet më të reja në basketbollin kosovar, ndërsa Demirel edhe një herë e ka shprehur gaditshmërinë e tij dhe të institucionit që ai e udhëheq për të ndihmuar në zhvillimin e basketbollit kosovar nëpërmjet shkollimit të trajnerëve, gjyqtarëve, vëzhguesve, stafit të FBK-së, dhe nëpërmjet projekteve të ndryshme për kategori të reja. Demirel në të njëjtën kohë e ka njoftuar Belegun për zhvillimet më të reja në FIBA që kanë të bëjnë si me zhvillimet e garave më nivel të klubeve, po ashtu edhe në atë të Përfaqësueseve, pastaj edhe zhvillimet e tjera brenda FIBA-s në nivel të organizimit si institucion.