Federata e Basketbollit e Kosovës (FBK) fton në takim të gjithë krerët e grupeve të tifozëve në vendin tonë, të cilët duan ta përkrahin Kombëtaren A të Kosovës në kualifikimet për Eurobasket 2017.
Takimi do të mbahet të premten (19.08.2016) me drejtuesit e FBK-së në ora 13:30 në zyre të FBK-së, lagjen “Arbëria”, Kompleksi “Tregtia”, C2/11, Nr. 4 në Prishtinë.
Qëllimi i takimit është organizimi dhe mobilizimi sa më i mirë i grupeve të tifozëve nga anembanë Kosova për kualifikimet historike të Kombëtares së Kosovës për Kampionatin Evropian.
Në takim duhet të jenë të pranishëm kryetari i grupit të tifozëve, ndërsa konfirmimi duhet të bëhet paraprakisht në email adresën federata@basketbolli.com, ku duhet të ceket emri, mbiemri si dhe grupi i tifozëve.