Kosova fiton miqesoren e pare

Sonte, në Como të Italisë, Kombëtarja e Kosovës në basketboll zhvilloi ndeshjen e parë miqësore nga pesë sish të planifikuara kundër universiteteve amerikane (NCAA). Në këtë ndeshje, e cila me arsye pritej të ishte ndeshja më e lehtë për çunat tanë në këtë turne, Kombëtarja mposhti ekipin e Cedarville University, me rezultat të thellë 111:77. Kundër ekipit të NCAA 2, Kombëtarja jonë u paraqit pa dy lojtarë kyçë - Dardan Berishën i cili kishte marrë një lëndim që në ndeshjen e parë miqësore kundër Estonisë, si dhe Jaren Sinën i cili tanimë i bashkuar ekipit të universitetit të tij në turneun në Japoni dhe do të rikyçet me ekipin kombëtar më 20 gusht, para udhëtimit në Qipro. Selektori Krasniqi në këtë ndeshje ua dha rastin të gjithë dymbëdhjetë lojtarëve të paraqitur për lojë, ndërsa ata këtë besim ia shpërblyen duke u shënuar në listën e koshashënuesve. Me ndeshje efikase në spikatën Doellman dhe Bamforth me nga 22 pikë, Drilon Hajrizi (18), Gazmend Sinani (13) dhe Yll Kaçaniku (10). Nesër nga ora 16:00 ekipi kombëtar do të luajë kundër Mississipi State University.