Me përballjen që do të zhvillohet të premten në palestrën “Shani Nushi” në Gjakovë ndërmjet Rahovecit dhe Lipjanit me fillim nga ora 18:00 do të nis xhiroja e shtatë në Superligën e Kosovës në basketboll.
Rahoveci në gjashtë xhirotë e parë ka regjistruar 5 fitore e 1 humbje, dhe të vetëm disfatë e ka nga Z Mobile Prishtina, kurse në anën tjetër Lipjani ka bilanc prej 1 fitore e 5 humbje.
Ndërkaq në kuadër të kësaj xhiroje në program janë edhe dy ndeshjet të tjera, njëra të shtunën, Bashkimi – Trepça (19:00) dhe tjetra të dielën, Golden Eagle Ylli – Borea (17:00), kurse dueli në mes Ponte Prizrenit dhe Z Mobile Prishtinës është shtyrë për shkak të obligimeve të ekipit bardhekaltër në garat evropiane, më saktësisht në FIBA Europe Cup.
Ballafaqimin në mes Rahovecit dhe Lipjanit mund ta ndiqni në Art Motion 1.