23 March 2014
Skuadra e Sigal Prishtinës ka vazhduar serinë e pamposhtshmërisë nën drejtimin e trajnerit të ri, Marin Dokuzovski.
Ekipi nga kryeqyteti ka arritur fitore të lehtë përballë ferizajasve në palestrën Bill Clinton duke e mposhtur ekipin që po lufton për mbijetesë, 64-99.
Alban Veseli ka qenë koshashënuesi më i mirë i Prishtinës sonte me 26 pikë të shënuara, derisa pas tij janë radhitur edhe Aurimas Kieza me 21, e Blerim Mazreku me 12 pikë të shënuara.
Në xhiron e radhës së ETC Superligës, Sigal Prishtina pret Trepçën, derisa Kastrioti udhëton në Pejë për ndeshje me Besën.