11 May 2017
Ndeshja e dytë finale e “play-off”-it të Ligës së Dytë ndërmjet United Basketball dhe Kalajës do të luhet të enjten me fillim nga ora 20:00 në palestrën e sportit “Bashkim Selishta-Petriti” në Gjilan.
Skuadra e Kalajës nga Prizreni në fundjavë ka triumfuar ndaj United Basketball me shifrat 62:61 në ndeshjen e parë finale të play-off-it të Ligës së Dytë.
Skuadra që shënon dy fitore do të shpallet kampione e Ligës së Dytë dhe me këtë rast do të fitoj të drejtën që nga edicioni 2017/18 të bëhet anëtare e Ligës së Parë.
Ndërkaq ekipi që do të humbas finalen do të ketë edhe një shans tjetër për të siguruar një vend në Ligën e Parë, duke u përballur me vendin e shtatë të Ligës së Parë në ndeshjet e play-out-it.