7 October 2013
Në mbledhjen e mbajtur sot të Bordit të Federatës së Basketbollit të Kosovës, është marrë vendim që kur klubi dënohet që të zhvillojë ndeshjen pa praninë e tifozëve në palestër, të lejojë hyrjen e femrave (të gjitha moshat) dhe fëmijëve deri në moshën 12-13 vjeçare (deri në gjatësi 150 centimetra) në palestër.
Këtë vendim FBK-ja e ka sjellë me qëllim të popullarizimit të basketbollit dhe atmosferës sportive për klubet që do të ndeshen në atë palestër.
Gjithashtu, me këtë vendim Bordi i FBK-së beson se ky vendim do të përkrahet nga opinioni i gjërë, shikuesit, si dhe t'iu ndihmojë edhe financiarisht klubeve në situata të tilla.
Ky vendim i Bordit të FBK-së hyn në fuqi menjëherë.