6 March 2019
Sot me fillim nga ora 20:30 në Pallatin e Rinisë dhe Sporteve në Prishtinë, Z Mobile Prishtina është nikoqire e skuadrës prestigjioze italiane, Pallacanestro Varese. Kjo ndeshje i takon raundit të Top 16 në FIBA Europe Cup.
Nga taborri i Z Mobile Prishtinës janë deklaruar optimist për duelin me italianët e Vareses, dhe kështu besojnë se me përkrahjen e tifozëve do t’ia dalin që nga takimi i parë të dalin fitues dhe më pas në ndeshjen e kthimit që do të luhet pas një jave në Itali të udhëtojnë më të qetë.
Pallacanestro Varese nga Italia është pesë herë kampione evropiane, si dhe është në top-pesë ekipet më të trofeshme në Kontinentin e Vjetër.