Basketbollistët e Trepcës arritën që ti bëjnë ballë Z Mobile Prishtinës deri në 12 sekonda pa përfunduar takimi, atëherë kur Mikaile Tmusic me një trepikësh qetësoi të gjithë tifozët në palestrën “Minatori” të Mitrovicës në ndeshjen e fundit të xhiros së XXII në Superligën e Kosovës.
Takimi ka përfunduar me shifrat 88:83 në favor të mysafirëve 88:83 (16:19, 18:19, 26:26, 28:19).
Më efikasi te Z Mobile Prishtina ishte Mikaile Tmusic me 29 pikë e 5 kërcime, kurse Divine Myles ka kontribuar me 28 pikë dhe Rodney Bullock ka shtuar 11 pikë e 4 kërcime.
Te Trepca me lojë të mirë është dalluar Samir Zekiqi me 26 pikë e 8 kërcime, Imer Tahiri me 15 pikë, Aaron Anderson me 12 pikë e 7 asistime dhe Besnik Azemi me 10 pikë, 4 kërcime e 4 asistime.
Tjetër ndeshja interesante në kuadër të kësaj xhiroje është luajtur të shtunën mbrëma në palestrën “13 Qershori” në Suharekë, ku Golden Eagle Ylli e ka fituar derbin kundër Bashkimit me rezultat 88:68 (24:15, 21:14, 24:21, 17:18).
Më të merituarit për suksesin e radhës të skuadrës nga Suhareka ishin Clayton Everett me 23 pikë, 4 kërcime e 7 asistime, Alban Veseli me 20 pikë, 5 kërcime e 4 asistime dhe Leonard Mekaj me 12 pikë, 8 kërcime e 6 asistime.
Në anën tjetër te Bashkimi më efikasit ishin Drilon Hajrizi me 15 pikë, 8 kërcime e 3 asistime dhe Steven Haney Jr me 14 pikë e 5 kërcime.
Ndërkohë fitore ka regjistruar edhe Rahoveci në përballje me Borea-n me shifrat 159:54.
Te Rahoveci, Fredrick Richardson ka shënuar hiq më pak se 53 pikë, derisa ai ka pasur edhe 10 kërcime e 13 asistime, ndërsa Jams Stanback ka shtuar 26 pikë, 3 kërcime e 9 asistime, Andrew Washington pati 17 pikë e 6 kërcime dhe Bardh Rexha kontribuoi me 14 pikë e 7 kërcime.
Te Borea më efikasi ishte Ilir Shala me 22 pikë e 7 kërcime.