Federata e Basketbollit të Kosovës (FBK) njofton të gjitha mediat e interesuara për të përcjell FIBA U18 Kampionatin Evropian, Divizioni C (Prishtinë, 22-29.07.2018) se akreditimi do të jetë i hapur deri më 21 korrik (e shtunë) në ora 17:00.
Lusim të gjitha mediat që deri të shtunën të dërgojnë emrat e gazetarëve, kameramanëve dhe fotografëve që planifikojnë të përcjellin FIBA U18 Kampionatin Evropian, Divizioni C në adresën: media@basketbolli.com
Po ashtu mediat të shtunën pas orës 17:00 mund të vijnë t’i tërheqin akreditimet e tyre në zyre të FBK-së në Pallatin e Rinisë dhe Sporteve në Prishtinë.
Duhet theksuar se 9 shtete janë pjesëmarrëse të FIBA U18 Kampionatit Evropian, Divizioni C që do të mbahet në Prishtinë.
Në Grupin A bëjnë gara: Moldavia, Armenia, Irlanda, Malta dhe Monako, kurse në grupin B janë: Qipro, San Marino, Kosova dhe Gjibraltari.
Ndeshjen e parë Kosova e ka në program të dielën kundër San Marinos me fillim nga ora 19:30.
Të gjitha ndeshjet do të zhvillohen në Pallatin e Rinisë dhe Sporteve në Prishtinë.
