Basketbollistet e Bashkimit pa ndonjë problem të madh kanë triumfuar në kryendeshjen e xhiros së tetë në Ligën e Femrave në përballje me Penzën.
Dueli i luajtur në fundjavë në palestrën "Karagaçi" në Pejë ka përfunduar me shifrat 86:59.
Pas kësaj fitoreje Bashkimi është shpallur kampion vjeshtor në Ligën e Femrave, ndonëse ka mbetur edhe një xhiro për tu luajtur deri në përmbyllje të stinorit vjeshtor.
Skuadra prizrenase në tetë xhiro ka regjistruar po aq fitore, derisa Penza është e dyta me 1 humbje, dhe Prishtina që ka regjistruar dy humbje, një nga Bashkimi dhe një nga Penza.
Në takimet tjera të kësaj xhiroje, Trepça ishte më e mirë se Sfera (57:43), kurse Prishtina triumfoi ndaj Kastriotit (98:48) dhe Vëllaznimi shënoi fitore bindëse kundër Vushtrrisë (80:25).
