Bashkimi ka shënuar fitoren e dhjetë nga dhjetë ndeshje të zhvilluara, duke mundur Penzën në udhëtim me rezultat 50:78 (13:22, 14:18, 12:21, 11:17). Kjo ishte fitorja e dhjetë për vashat prizrenase që përmbyllën stinorin vjeshtor pa asnjë humbje, duke qenë e vetmja në elitën e femrave pa humbje.
Në ndeshjen e zhvilluar në Pejë, mysafiret e nisën ndeshjen më mirë, duke e fituar çerekun e parë 13:22, kurse ishin më të mira edhe në periudhën e dytë 14:18. Prizrenaset fituan edhe periodën e tretë 12:17 dhe atë të fundit 11:17, për të triumfuar në fund me rezultat 50:78.
Valbona Bytyqi dhe Melita Luci shënuan nga 12 pikë për Penzën, kurse te Bashkimi u dalluan Khadija Haywood me 18 pikë e 12 kërcime, Arbnore Përquku me 16 pikë, gjashtë kërcime dhe nëntë asistime dhe Aisha Balarabe me 14 pikë e gjashtë kërcime.
Penza ka gjashtë fitore dhe tri humbje, kurse Bashkimi dhjetë fitore.
