Xhiroja e nëntë në Superligën e Kosovës në basketboll është përmbyllur me ndeshjen Bashkimi - Rahoveci që është zhvilluar të shtunën mbrëma në palestrën "Sezai Surroi" në Prizren, ku fitore ka regjistruar skuadra nikoqire me rezultat 103:93.
Jordan Capps me 40 pikë të shënuara ishte më i dalluari te Bashkimi, kurse Steven Haney ka shtuar 23 dhe Ujkan Karanezi ka kontribuar me 13 pikë.
Në anën tjetër më efikasit ishin Deshon Minnis me 27, Frederick Richardson me 18 dhe Arian Qallaku me 17 pikë.
Ndërkaq në kuadër të kësaj xhiroje të enjten janë luajtur dy ndeshje, ku Trepca ka triumfuar në përballje me Golden Eagle Yllin me shifrat 80:79, ndërsa Borea e ka mposhtur Ponte Prizrenin me 97:87, derisa të premten Z Mobile Prishtina shënoi fitore në ballafaqim me Lipjanin me rezultat 90:51.
Tabelën dhe rezultatet e Superligës së Kosovës mund ti gjeni mëposhtë:
http://www.basketbolli.com/sq/league/superliga
