Me ballafaqimin që do të zhvillohet sot me fillim nga ora 19:30 në palestrën e sportit “Sezai Surroi” në Prizren do të nis edhe xhiroja e VIII-të e IP Superligës së Kosovës në basketboll.
Bardhekaltrit patën triumfuar në hapje të edicionit 2017/18 të IP Superligës duke i mposhtur prizrenasit me rezultat të thellë 89:54 në ndeshjen e luajtur në fillim të muajit tetor në kryeqytet. Pavarësisht kësaj pritet që në Prizren të mos mungojnë adhuruesit e basketbollit kosovar për të përkrahur skuadrat e tyre të zemrës, ndërsa ndeshja pritet të jetë interesante dhe me rivalitet.
Në ndërkohë ndeshjet tjera të xhiros së VIII-të të IP Superligës së Kosovës do të luhen të dielën ku në “Karagaçi”, Peja është nikoqire e Trepçës me fillim nga ora 16:00, kurse duke filluar nga ora 18:00 në Gjakovë, Rahoveci është nikoqir i Borea-s dhe Golden Eagle Ylli e pret Kerasan Prishtinën.
Në të trija këto takime pritet që rivaliteti të jetë i madh, derisa në xhiron e parë të elitës së basketbollit kosovar, Rahoveci pati triumfuar kundër Borea-s, ndërsa Peja ishte më e mirë se Trepça dhe Golden Eagle Ylli e ka mundur Kerasan Prishtinën.
