15 Tetor 2015
Bashkimi e ka regjistruar fitoren e dytë në Superligën e Kosovës pasi të enjten mbrëma para shikuesve të vet e ka mposhtur Kerasan Prishtinën me rezultat 85:69. Pas katër xhirove të zhvilluara në elitën e basketbollit kosovar, prizrenasit kanë bilanc prej 2 fitore e 1 humbje, derisa në një xhiro kanë pushuar.
Në kuadër të xhiros së katërt fitore ka regjistruar edhe Golden Eagle Ylli, pasi në Therandë e ka mundur Vllaznimin nga Gjakova me shifrat 97:72.
Ndërkaq përballja ndërmjet Sigal Prishtinës dhe Pejës do të luhet në një termin tjetër, për shkak se skuadra bardhekaltër dhe ajo verdhezi kanë qenë të angazhuara në Sigal Uniqa Ligën Ballkanike (BIBL).
