12 Prill 2017
Bashkimi ka arritur të mposht Pejën për herë të dytë këtë edicion në ndeshjen e mbetur të xhiros së XXI në Superligën e Kosovës në basketboll.
Skuadra e Bashkimit e mbylli çerekun e parë me një avantazh të konsiderueshëm prej 8 pikëve(23:15). Më pas Peja u këndell në çerek të dytë, ku arriti të ngushtojë rezultatin deri në 5 pikë (44:39), por që nuk mjaftoi për të mposhtur ekipin vendas që në fund fitoi me rezultat 82:73.
Më të dalluarit te Bashkimi ishin Kayel Locke me 20 pikë e 7 kërcime dhe Justin Black me 18 pikë, 6 kërcime e 7 asistime.
Në anën tjetër te Peja më efikasit ishin Alban Veseli me 19 pikë, Noah Dahlman me 18 pikë, si dhe Roman Abramovic shtoi 15 pikë.
