Bordi i ri i SHGJFBK-së menjëherë pas Kuvendit të jashtëzakonshëm ka lëshuar kërkesat e para drejt FBK-së dhe gjyqtarëve tjerë.
Bordi i sapozgjedhur i Shoqatës së Gjyqtarëve të Federatës së Basketbollit të Kosovës, fton të gjithë gjyqtarët dhe vëzhguesit, të cilët janë pjesë e listës së aprovuar nga Bordi i FBK-së, në afat prej 7 ditëve, me kërkesë drejtuar FBK-së, të deklarohen se janë të gatshëm të kthehen në kryerjen e detyrës së gjyqtarit përkatësisht vëzhguesit.
Bordi i SHGJFBK-së, njëherit vendosi që të kërkoi nga Bordi i FBK-së, për nivelizimin e taksave të gjyqtarëve, siç ka qenë më parë.
Bordi i SHGJFBK-së njofton të gjithë gjyqtarët se nga dje ka filluar edhe testimi online, njëra nga metodat më të mira të avancimit të gjyqtarëve dhe që është i pari në rajon.
Bordi në mbledhjen e ardhshme, e cila do të mbahet javën e ardhshme do të konstituoj edhe komisionet përkatëse që i parasheh rregullorja e punës, është thënë në Komunikatën e dalë nga Bordi i ri i SHGJFBK-së që ia nisi punës dje.
