27 Tetor 2013
Drita ka regjistruar sonte edhe fitoren e katërt me radhë në kuadër të ETC Superligës.
Skuadra gjilanase ka arritur të mposht RTV 21-shin si mysafire në Prishtinë 84-90, në ndeshjen e zhvilluar në palestrën 1 Tetori.
Gjilanasit kanë bërë dallimin kryesor në ndeshje gjatë çerekut të parë, dallim ky të cilin skuadra e RTV 21 nuk ka arritur ta përmbys deri në fund të ndeshjes.
RTV 21 kështu ka regjistruar humbjen e tretë të stinorit, derisa Drita fitoren e katërt. RTV 21 udhëton në Prizren xhiron tjetër, derisa Drita luan në Karagaç ndaj kampiones aktuale, Pejës.
