Me përballjen ndërmjet Vëllaznimit dhe Sigal Prishtinës që është luajtur të premten mbrëma ka nisur edhe xhiroja e XVIII në Superligën e Kosovës në basketboll.
Kjo ndeshje ka përfunduar me rezultat 109:58 (27:17, 22:6, 29:11, 21:24) në favor të bardhekaltërve.
Ndërkaq të shtunën janë në program edhe tri ndeshjet e tjera të kësaj xhiroje, ku dueli më interesant është ai që do të zhvillohet në Therandë ndërmjet Golden Eagle Yllit dhe Bashkimit. Ky takim do të luhet me fillim nga ora 19:00.
Ndërkohë të shtunën Peja është nikoqire e Kerasan Prishtinës (16:00) dhe Rahoveci udhëton në Mitrovicë për t'u ballafaquar me Trepcën (18:00).