6 Gusht 2016
Kombëtarja e Kosovës në basketboll të shtunën me fillim nga ora 18:00 do të ballafaqohet me Estoninë në Tallinn.
Kjo ndeshje është e karakterit miqësor, përderisa një ditë më parë Kosova e ka zhvilluar një tjetër miqësore-stërvitore me të njëjtën skuadër. Në këtë ndeshje basketbollistët tanë janë mposhtur nga Estonia me rezultat 76:67.
Megjithatë kjo nuk ishte pasqyra reale e të përzgjedhurve të Arben Krasniqit, pasi që ata të premten kishin zbarkuar në Tallinn dhe në të njëjtën ditë menjëherë janë përballur me Estoninë. Sidoqoftë Kosova pritet që sot të tregojë më të mirën e saj kundër Estonisë.
Duhet theksuar se adhuruesit e basketbollit kosovar këtë ndeshje mund ta ndjekin në SuperSport Kosova me fillim nga ora 18:00.
