Skuadra debutuese në Ligën e Parë të Kosovës, Feronikeli e ka dominuar këtë ligë në stinorin vjeshtor. Në 9 xhiro të luajtura basketbollistët e Feronikelit nuk dinë për humbje dhe kështu kanë grumbulluar maksimumin e pikëve, gjithsej 18 sosh.
Menjëherë pas Feronikelit renditet Vëllaznimi që e ka të regjistruar një humbje dhe atë pikërisht nga Feronikeli dhe kjo është arsyeja që skuadra nga Gjakova ka tubuar 17 pikë dhe renditet e dyta.
Në pozitën e tretë ndodhet Istogu me bilanc prej 6 fitore e 3 humbje me 15 pikë, aq sa ka edhe Don Bosko nga Prishtina dhe që është në pozitën e katërt.
Më pas renditet Drita si e pesta me 5 fitore e 5 humbje me 14 pikë, kurse Prishtine e Re ka bilanc prej 4 fitore e 5 humbje me 12 pikë në vendin e gjashtë.
Penza është në pozitën e tetë me 3 fitore e 6 humbje me 12 pikë, kurse Vushtrria dhe Kerasan Prishtina kanë regjsitruar nga 2 fitore e 7 humbje dhe kanë nga 11 pikë. Vushtrria është në vendin e tetë, kurse Kerasan Prishtina në të 9-tën.
United Basket nga Gjilani nuk ka arritur të shijoj asnjë fitore në nëntë xhiro, prandaj edhe renditet në vendin e nëntë me 9 pikë.
