4 Prill 2019
Feronikeli ka shënuar fitore në ndeshjen e parë gjysmëfinale të play-offit në Ligën e Parë të Meshkujve.
Feronikeli ka triumfuar të mërkurën ndaj Istogut me rezultat 111:68.
Më të merituarit për fitoren e Feronikelit ishin Art Hajdari me 27 pikë e 10 kërcime, Desmond Gattis me 27 pikë, Mustafë Merovci me 20 pikë dhe Muhamedali Janjeva me 15 pikë.
Në anën tjetër te Istogu më efikasit ishin Ardit Pepaj me 30 pikë, Diamant Shabani me 12 pikë e 11 kërcime dhe Labinot Kelmendi me 14 pikë.
Ndeshja tjetër gjysmëfinale e play-offit në Ligën e Parë të Meshkujve do të luhet të enjten mbrëma në palestrën “Shani Nushi” në Gjakovë ndërmjet Vëllaznimit dhe Don Boskos me fillim nga ora 19:00.
Skuadra që shënon dy fitore renditet në finale.
