Në Prishtinë ka filluar FIBA SCOD Klinika, që do të vazhdojë edhe nesër. Në ditën e parë janë bërë tre prezantime, derisa gjyqtarët i janë nënshtruar Online Testit.
Prezantimi i parë është mbajtur nga FIBA Instruktori Nacional, Faton Kurshumlija, ku tema ishte “Prezantimi dhe paraqitja e gjyqtarëve të FBK-së nga sezoni vjeshtor i Superligës”, duke analizuar pikat nga organizimi i ndeshjes, kriteri i gjykimit, shkeljet dhe komunikimi në mes gjyqtarëve dhe trajnerëve.
Pjesa e dytë është ligjëruar nga FIBA Instruktori, Gjorgi Piperkov ku tema ishte “Kriteret për gabimet ofensive, si dhe kriteri për gabimet josportive”.
Pjesa e tretë është ligjëruar nga trajneri Arben Krasniqi tema e të cilit ishte “Organizimi i zhvillimit të ‘pick-roll’ në sulm dhe mbrojtja nga ‘pick-roll’ në mbrojtje”, si dhe pika të shkurta komunikimi trajner-gjyqtarë.
Në pjesën e katërt gjyqtarët kanë realizuar VIDEO Online Testin i krijuar nga platforma Kahoot, si dhe në pjesën e fundit të Klinikës të gjithë gjyqtarët e FBK-së të cilët janë pjesë e listës së Superligës i janë nënshtruar Online Testit nga njohja e rregullave të basketbollit.
Pjesë të kësaj Klinike janë 55 gjyqtarë të FBK-së.
Duhet cekur se sot FIBA SCOD Klinika është përcjellur edhe nga 10 gjyqtarët perspektivë nga Federata e Basketbollit të Maqedonisë Veriore, pjesëmarrja e të cilëve është realizuar në kuadër të Memorandum Bashkëpunimit ndërmjet mes FBK-së dhe FBMV-së.
Për nesër, ditën e dytë të FIBA SCOD Klinikës është paraparë puna praktike e gjyqtarëve në Mekaniken me 3PO dhe puna praktike e gjyqtarëve perspektivë në Mekaniken 2PO, që mbahet nga ora 10:30 - 12:30 në sallën e Sporteve të Fakultetit të Shkencave Sportive në Prishtinë.
