Sot ka nisur Kampi Nacional U-14 i vajzave në Suharekë. Kështu pas përfundimit të suksesshëm për djemtë, filloi kampi për vajzat që do të zgjasë deri më 20 korrik.
Organizator i Kampit është Federata e Basketbollit e Kosovës (FBK) në bashkëpunim me Ministrinë e Kulturës, Rinisë dhe Sportit, Komunën e Suharekës, si dhe Klubin e Basketbollit GoldenEagle Ylli. Sponsorë janë Kompania GoldenEagle, Ujë Rugove dhe StobiFlips.
Kampin e hapi Sekretarja e Përgjithshme e FBK-së, Elvira Dushku, e cila foli për rëndësinë që ka ky kamp për vajzat e reja.
Dushku shtoi se, ky kamp do t’u ndihmojë shumë vajzave të reja, për të nisur një karrierë sa më të suksesshme, si dhe për të qenë sa më të afërta njëra me tjetrën.
Kampi po udhëhiqet nga DritëroSefaja, derisa janë edhe tetë trajnerë që do të përkujdesen për 37 vajza, sa janë pjesëmarrëse në këtë kamp.
Ky kamp, është një nga projektet e FBK-së kushtuar gjeneratave të reja, derisa kujtojmë se, gjashtë Përfaqësuese të reja po marrin pjesë apo janë duke u përgatitur për Kampionate Evropiane, të gjitha në Divizionin B.
