Pas suksesit në Final 8 të Kupës së Kosovës, ku KB Rahoveci u kualifikua në finalen e madhe, kjo skuadër arriti të siguroj edhe një vend në finalen e madhe të play-offit në Superligën e Kosovës, për tu përballur pikërisht me KB Z Mobile Prishtinën.
Për KB Rahovecin kjo është finalja e parë në histori të skuadrës në Superligën e Kosovës dhe sigurisht se edhe kësaj radhe palestra "Mizahir Isma" nuk do ti zë adhuruesit e basketbollit në duelet e finales kundër KB Z Mobile Prishtinës.
KB Rahoveci në gjysmëfinale triumfoi me seri 3:0 kundër KB Golden Eagle Yllit, kurse Z Mobile Prishtina me të njëjtin rezultat në seri e mposhti KB Bashkimin.
Kampion i Superligës shpallet ekipi që i pari arrin tri fitore.
Finalja e play-offit zhvillohet sipas formatit vajtje – ardhje.
Përparësinë e terrenit vendas e ka ekipi që ka qenë më mirë i ranguar në edicionin e rregullt dhe luan si vendës në ndeshjet 1 dhe 3 dhe ndeshjen eventuale 5.
