8 Korrik 2016
Përfaqësuesja U-18 e Kosovës në konkurrencën e meshkujve e ka nisur me fitore me shifrat 86:54 Kampionatin Evropian, Divizioni C që do të zhvillohet në San Marino prej 8 deri më 15 korrik.
Në fakt basketbollistët kosovarë në start të këtij kampionati e kanë mposhtur nikoqirin, San Marinon me rezultat 86:54. Përfaqësuesja e jonë prej fillimit e deri në fund të takimit e ka dominuar takimin duke mos e lejuar kundërshtarin që për asnjë cast të shpresoj në ndonjë fitore eventuale.
Në kuadër të këtij kampionati, Kosova të shtunën do të ballafaqohet me Uellsin, ndaj të cilës skuadër vlerësohet favorite, ashtu edhe sic vlerësohet favorite për ta fituar gjithë turneun.
