Bashkimi ka triumfuar në ballafaqim me Golden Eagle Yllin me shifrat 87:83 (22:21, 18:24, 24:13, 23:25) në kuadër të xhiros së XI në IP Superligën e Kosovës në basketboll.
Më i merituari për fitoren e prizrenasve ishte Samir Zekiqi me 29 pikë e 5 kërcime, kurse te therandasit më së shumti pikë ka realizuar Taylor Bessick me 32 pikë, derisa ai ka pasur edhe 14 kërcime.
Ndërkohë Rahoveci ka shënuar fitore ndaj Pejës me rezultat 95:52 (23:9, 23:10, 23:9, 26:24).
Më të dalluarit te ekipi fitues ishin Xavier Newson me 24 pikë, Gazmend Sinani me 17 pikë e 18 kërcime dhe Mustafë Merovci me 16 pikë e 6 kërcime. Në anën tjetër te Peja më efikasit ishin Adonis Devolli me 12 pikë e 5 kërcime dhe Jusuf Kelmendi me 11 pikë.
Ndërkaq të shtunën në program është dueli ndërmjet Sigal Prishtinës dhe Trepçës në ora 17:00, kurse të dielën Borea e pret në "Karagaçi" Kerasan Prishtinën në ora 19:00.
