Rahoveci ka triumfuar në derbin e xhiros së XXIV në Superligën e Kosovës në basketboll kundër Golden Eagle Yllit në ndeshjen e luajtur të dielën mbrëma në palestrën "13 Qershori" në Therandë.
Takimi ka përfunduar me rezultat 103:83 (34:23, 24:20, 27:17, 18:23).
Më të merituarit për fitoren e ekipit nga Rahoveci ishin Artin Gashi me 31 pikë e 13 kërcime, Daylor Dehir me 24 pikë e 5 asistime dhe Mustafë Merovci me 11 pikë e 3 kërcime.
Në anën tjetër te skuadra e Golden Eagle Yllit më efikasit ishin Trae Anderson me 27 pikë, 10 kërcime e 8 asistime, Kevin Brown me 20 pikë, 7 kërcime e 5 asistime dhe Ujkan Karanezi me 20 pikë e 7 kërcime.
Ndërkohë në kuadër të xhiros së XXIV të elitës së basketbollit kosovar fitore ka regjistruar edhe Bashkimi ndaj Vëllaznimit me shifrat 121:66, pastaj Sigal Prishtina ka triumfuar në përballje me Kerasan Prishtinën me rezultat 124:71, si dhe Peja e ka mposhtur Trepçën me shifrat 109:86.
