Golden Eagle Ylli të enjten ka shënuar fitore ndaj Feronikelit me rezultat 103:82 në ndeshjen çerekfinale të Final 8 të Kupës së Kosovës në basketboll që është duke u zhvilluar në Rahovec.
Më i dalluari te ekipi nga Suhareka ishte Alban Veseli me 21 pikë, 9 kërcime e 4 asistime, kurse Clayton Everet ka shtuar 18 pikë, 5 kërcime e 6 asistime dhe Romelo Banks ka kontribuar me 17 pikë e 14 kërcime.
Te Feronikeli më efikasit ishin Arti Hajdari me 32 pikë, 5 kërcime e 4 asistime dhe Sami Hajzeri me 15 pikë, 3 kërcime e 4 asistime.
Ndërkaq në ndeshjen tjetër çerekfinale, ku u ballafaquan Ponte Prizreni dhe Bashkimi, fitore ka regjistruar Ponte me shifrat 84:74.
Më të merituarit për fitoren e Ponte Prizrenit ishin Malcolm Canada me 23 pikë, 7 kërcime e 7 asistime dhe Urim Zenelaj me 17 pikë e 14 kërcime.
Te Bashkimi më efikasit ishin Drilon Hajrizi me 16 pikë, 10 kërcime e 6 asistime dhe Lamar Wofford me 15 pikë, si dhe Jordan Capps me 15 pikë e 6 kërcime.
Duhet theksuar se Golden Eagle Ylli në gjysmëfinale do të ballafaqohet me Z Mobile Prishtinën, kurse Ponte Prizreni përballë do ta ketë skuadrën nikoqire, Rahovecin.
Fituese e Kupës së Kosovës për edicionin 2017/18 është skuadra e Z Mobile Prishtinës.
