16 Nëntor 2020
Erjon Kastrati vazhdon me paraqitje të mira në Ligën Aba. Basketbollisti i Kosovës ishte më i dalluari për skuadrën e tij, Koper Primorka, që pësoi humbje nga Mornari me rezultat 87:66.
Kastrati luajti 39 minuta në këtë ndeshje dhe e mbylli ndeshjen me 20 pikë, tri kërcime dhe tri asistime, duke vazhduar me formë të mirë në këtë ligë. Primorska ndodhet në vendin e fundit me shtatë humbje nga shtatë ndeshje.
Erjoni është njëri nga lojtarët më të dalluar të Kosovës dhe forma e tij jep shpresë, edhe për Përfaqësuesen e Kosovës që në fund të nëntorit do të ballafaqohet me Sllovakinë dhe Islandën, në kuadër të parakualifikimeve për Kupën e Botës 2023.
