15 Korrik 2016
Përfaqësuesja U-18 e Kosovës në konkurrencën e meshkujve të premten e ka mposhtur bindshëm San Marinon me rezultat 100:57 (30:10, 24:17, 21:17, 25:13).
Me këtë fitore ndaj nikoqirit, djelmoshat tanë janë stolisur me medaljen e bronztë në Kampionatin Evropian, Divizioni C, që është zhvilluar në San Marino prej 8 deri më 15 korrik.
Më efikasi në radhët e ekipit të drejtuar nga trajneri Dritëro Sefaja ishte Gent Shala me 15 pikë, 18 kërcime e 2 asistime.
Kosova në start të kësaj gare pati triumfuar edhe një herë kundër San Marinos, kurse më pas të njëjtën gjë e ka bërë edhe ndaj Uellsit, Maltës dhe Moldavisë, derisa në gjysmëfinale është ndalur nga Azerbajxhani.
