9 Gusht 2019
Kosova U20 ka pësuar humbjen e dytë në fazën e dytë të grupeve në Kampionatin Evropian, Divizioni B, për femra U20, që po zhvillohet në Prishtinë.
Vashat e Kosovës janë mundur nga Islanda me rezultat 63:97, në luftë për pozitat 9-12.
Te Kosova janë dalluar Fjolla Ajeti me 21 pikë e shtatë kërcime, Astera Tuhina me 16 pikë, shtatë kërcime e pesë asistime, si dhe Besjana Martinaj me 13 pikë e gjashtë kërcime.
Kosova ndeshjen e fundit në Evropian do ta zhvillojë të dielën nga ora 14:00 ndaj Greqisë.
Në takimin tjetër të këtij grupi, Ukraina ka mundur Greqinë 52:45.
