24 Mars 2014
Komisioni Disciplinor i FBK-së në përbërje Fidan Hamiti, Nuredin Ibishi dhe Lulzim Fushtica kanë marrë masa disciplinore ndaj Kryetarit të KB Besa, Arbër Elshani.
Elshani është dënuar për moskryerje të detyrës në afat gjashtëmujor për shkak të:
-Mospagesë të dënimit të shqiptuar nga ana e Komesarit të garave në vlerë prej 150 euro;
-Ofendim ndaj vëzhguesit Mehmet Xhemajli në ndeshjen e fundit Besa-Bashkimi;
-Ofendim të lojtarit të huaj Morakinyo Williams në rrjetin social (për të cilën është marrë ankesë nga FIBA);
-Ofendim të vazhdueshëm ndaj Komesarit të garave Bajrush Ademi si dhe Kryetarit të FBK-së Erolld Belegu.
Komisioni Disciplinor i FBK-së, pas administrimit të provave, dëshmive të ofruara dhe duke u bazuar në aktet normative në fuqi vendosi si në dispozitiv të këtij Vendimi.
