Këtë fundjavë në Pragë do të hedhen shortet për garat në nivel të Përfaqësueseve për vitin 2017, përveç Eurobasketit të meshkujve, për të cilin shorti është hedhur në Stamboll.
Për Kosovën shorti më interesant është ai i parakualifikimeve për Kupën e Botës 2019, që mbahet në Kinë. Sipas sistemit të ri të garave të FIBA-s, shtetet që nuk marrin pjesë në Eurobasket do të zhvillojnë parakualifikime në gusht të vitit të ardhshëm dhe tetë Përfaqësueset më të mira nga ajo fazë e garave, bashkë me 24 ekipet pjesëmarrëse në Eurobasket do të zhvillojnë kualifikime për Kupë të Botës.
13 shtete janë paraqitur për të marr pjesë në short që do të ndahen në katër grupe: 3 grupe do të përbëhen me nga 3 shtete dhe 1 grup me 4 shtete.
Dy vendet më mirë të pozicionuara prej secilit grup do të kualifikohen në Divizionin A të FIBA Kupës së Botës 2019, kualifikimet e të cilës do të nisin në nëntor 2017.
13 shtetet që janë paraqitur për të garuar janë: Holanda, Bosnja e Hercegovina, Estonia, Bjellorusia, Austria, Suedia, Bullgaria, Maqedonia, Republika e Sllovakisë, Portugalia, Shqipëria, Kosova dhe Armenia.
Ndërkaq shtetet që Kosova nuk mund t'i ketë kundërshtare, sepse janë në të njëjtën vazo janë Republika e Sllovakisë, Portugalia dhe Shqipëria, ndërsa të gjitha shtetet tjera të lartpërmendura janë kundërshtare të mundshme të Përfaqësueses sonë.
Pas shortit, grupet do të kenë nga katër ekipe dhe do të zhvillohen nga gjashtë ndeshje (secili me secilin në formatin vajtje – ardhje) në periudhën nga 2 deri 19 gusht 2017.
Tetë ekipet më të mira të parakualifikimeve do të vazhdojnë garat në kualifikime për Kupën e Botës Kina 2019, që fillojnë në nëntor 2017 dhe zhvillohen në termine të përcaktuara nga FIBA për ndeshje zyrtare dhe kualifikuese.
Në ceremoninë e hedhjes së shortit në Pragë do të marrin pjesë edhe një delegacioni FBK-së, i prirë nga kryetari Erolld Belegu.
Në Pragë këtë fundjavë hedhet edhe shorti për kampionatet evropiane të kategorive të reja.
Shorti do të tërhiqet të shtunën prej orës 10:30 - 13:00.
