20 Maj 2015
Shoqata e Trajnerëve të Federatës së Basketbollit të Kosovës (SHTFBK) në bashkëpunim me Federatën e Basketbollit të Kosovës (FBK) më 24.05.2015 (e diel) do të organizoj seminarin për trajnerë.
Seminari do të mbahet në ambientet e Fakultetit të Kulturës Fizike dhe Sportit në Prishtinë duke filluar nga ora 10:00 deri në 13:30.
Ligjërues të seminarit do të jenë ish-trajneri dhe profesori i basketbollit, Masar Nixha dhe John Randy Haefner, instruktor i FIBA-s.
Duhet theksuar se sa i përket temave të ligjërimit trajnerët e basketbollit do të njoftohen së shpejti nëpërmjet SHTFBK-së dhe FBK-së.
