Federata e Basketbollit e Kosovës njofton mediat e interesuara për të mbuluar ndeshjet e kualifikimeve për Eurobasket 2017 se do të bëjë akreditimin e mediave për ndeshjet që zhvillohen në Kosovë dhe do të ndërmjetësojë me federatat tjera, në rast të kërkesave për ti përcjellë ndeshjet si mysafir.
Kërkesat për akreditim ju lusim ti dërgoni në info@basketbolli.com. Për secilën redaksi mund të akreditohen më së shumti dy persona dhe numri është i limituar për shkak të kapacitetit të palestrës Minatori dhe interesimit të gazetarëve të huaj.
Afati i fundit për dërgim të kërkesave për akreditim është e enjte, 01 shtator, në ora 14:00 dhe në kërkesë përvec emrave të personave që kërkojnë akreditimin duhet të bashkëngjiten edhe fotot e tyre në madhësi të pasaportës.
Konfirmimet për akreditime do të dërgohen të premten, më 02 shtator, kur edhe mund të merren akreditimet të zyrën e FBK-së.
