21 Janar 2014
Skuadra e Daniel Lutz, Peja, ka arritur të shënojë fitoren e katërt në kuadër të ligës ballkanike duke e mposhtur Kozuvin e Maqedonisë sonte në palestrën e sporteve Karagaç të Pejës.
Ekipi pejan ka qenë gjatë gjithë ndeshjes më i mirë se ai maqedon, duke iu revanshuar kështu për humbjen e pësuar në xhiron e parë të ligës ballkanike.
Peja mposhti Kozuvin 68-62, derisa basketbollisti më efikas te fituesit ishte amerikani Mario Edwards me 21 pikë të shënuara dhe 9 asistime të regjistruara.
Pas kësaj fitoreje Peja ka bilanc 4 fitore e 5 humbje dhe gjindet në pozitën e gjashtë të tabelës.
