Peja ka shënuar fitore ndaj Trepcës në kryendeshjen e xhiros së dhjetë në Superligën e Kosovës të luajtur të dielën në “Karagaci” me rezultat 74:57 (16:26, 17:16, 22:9, 19:6).
Mysafirët e kanë nisur mjaft mirë takimin, duke dominuar në cerekun e parë, të cilin e kanë përmbyllur me shifrat 26:16. Mirëpo në cerekun e dytë vendasit arrijnë të këndellen dhe kështu ia dalin t’i baraspeshojnë paksa gjërat në parket, ndonëse skuadrat shkuan në pushim me rezultat 33:42 në të mirë të mitrovicasve.
Në cerekun e tretë ekipet i ndërruan rolet, ku tani ishte Peja ajo që e diktonte ritmin e lojës dhe kështu bëri që kjo pjesë e lojës të përfundonte me shifrat 22:9 në dobi të tyre. Nikoqirët vazhduan me të njjëjtin ritëm edhe në dhjetëminutëshin e fundit, derisa në fund triumfuan me 17 pikë avantazh.
Më efikasit te verdhezinjtë ishin Cameron Rundles me 21 pikë dhe Alban Veseli me 20 sosh, kurse te “xehetarët” më të dalluarit ishin Jeremy Wise dhe Nikola Ljujiq me nga 13 pikë secili dhe Besnik Azemi me 11 sosh.
