13 Janar 2016
Peja sot me fillim nga ora 17:00 në Sofje të Bullgarisë është mysafire e skuadrës Levski 2014 në kuadër të xhiros së nëntë të Grupit B të Sigal Uniqa Ligës Ballkanike (BIBL).
Në duelin e parë të luajtur ndërmjet këtyre dy ekipeve në nëntor të vitit të kaluar fitore patën shënuar verdhezinjtë me rezultat 75:68.
Peja tashmë e ka siguruar vendin e parë në Grupin B me 5 fitore e 1 humbje dhe gjithsej 11 pikë të grumbulluara deri më tani dhe kalon në fazën e dytë të garave në BIBL si favorite kryesore, falë bilancit pozitiv që e ka regjistruar deri më tani.
