12 Mars 2015
Sigal Prishtina ka bërë një hap të madh drejt gjysmëfinales në Ligën Ballkanike. Prishtinasit arritën një fitore shumë të rëndësishme ndaj Craiova-s në Rumani. Sigal Prishtina udhëheqi prej fillimit të çerekut të dytë deri në fund të lojës. Loja përfundoi me rezultat 77:73 për Sigal Prishtinën.
Ndeshja e kthimit do të zhvillohet më 25 mars në Prishtinë.
Lojtarët më efikas të Sigal Prishtinës ishin Jordan Hulls me 28 pikë dhe Bojan Trajkovski dhe Julian Mavunga me nga 13 pikë.
Ndërsa për Craiova-n, lojtarët më efikas ishin Travis Bureau me 19 pikë dhe Milivoje Bozovic me 17 pikë.
