28 Shkurt 2019
Basketbollistet e Prishtinës e kanë mposhtur Bashkimin në ndeshjen gjysmëfinale të Kupës së Kosovës.
Ndeshja e luajtur të mërkurën në palestrën e re “Mizahir Isma” në Rahovec ka përfunduar me shifrat 69:76 në favor të basketbollisteve bardhekaltra.
Më të dalluarat te Prishtina ishin Tykyra Williams me 23 pikë, Irma Konjusha me 21 dhe Braennan Farrar me 15.
Në anën tjetër te Bashkimi më efikaset ishin Danisha Shaw me 21 pikë, Mari Stewart me 17 pikë dhe Aulona Muhadri me 11 pikë.
Duhet theksuar se finalja e Kupës së Kosovës në konkurrencën e femrave do të zhvillohet të dielën në Rahovec me fillim nga ora 14:00, ku do të takohen Penza dhe Prishtina.
Fituese të Kupës së Kosovës për edicionin 2017/18 janë basketbollistet bardhekaltra.
