26 Nëntor 2019
Rahoveci ka shënuar fitoren e radhës në Superligë, derisa si vendas ka mundur Trepçën me rezultat 99:74 (24:24, 23:16, 23:17, 29:17).
Mysafirët kanë arritur t’i bëjnë ballë liderit vetëm në çerekun e parë, që përfundoi 24:24, derisa më pas Vreshtarët ishin më të mirë, duke e fituar periodën e dytë 23:16 dhe vazhduan me lojë të mirë edhe në pjesë e dytë, ku fituan periudhën e tretë 23:17 dhe atë të katërt 29:17 për të shënuar fitore në fund me rezultat 99:74.
Joshua McFolley ishte më i dalluari edhe kësaj radhe te Rahoveci me 35 pikë, kurse më i miri te Trepça ishte Dj Hanes me 25 pikë.
Rahoveci është lider me 11 fitore dhe një humbje, kurse Trepça ka dy fitore dhe nëntë humbje.
