Riinvest Prishtina e ka fituar titullin e kampionit për grupmoshën U-12, pasi në finale e ka mposhtur Vushtrria Basketin me rezultat 48:45 në ndeshjen e luajtur të dielën në palestrën e kolegjit ISP në lagjen “Marigona Residence” në Prishtinë.
Prej fillimit të ndeshjes e deri në fund është zhvilluar një rivalitet i madh ndërmjet të dyja skuadrave dhe deri në fund të dyja ekipet kanë luftuar për fitore, ku sekondat e fundit ishin dramatik dhe vendimtar për fitoren e Riinvest Prishtinës.
Kupën kapitenit të Riinvest Prishtina, Flon Kastratit ia ka dorëzuar Komesari i Garave i FBK-së, Faton Kurshumlija, kurse medaljen për finalistët i kanë ndarë, Kurshumlija dhe Ard Islami, nga stafi i FBK-së.
Duhet theksuar se disa javë më parë Riinvest Prishtina e ka fituar edhe Kupën e Kosovës për grupmoshën U-12 , duke e mposhtur pikërisht në finale Vushtrria Basketin.
