Riinvest Prishtina në konkurrencën e femrave e ka fituar titullin e kampionit për grupmoshën U-16, pasi që në finale e ka mposhtur Vushtrria Basketin me rezultat 55:33 në ndeshjen e luajtur të dielën në Prishtinë.
Prej fillimit të ndeshjes e deri në fund kanë dominuar vajzat e Prishtinës, ndonëse në disa momente edhe vushtrrinaset treguan lojë të mirë.
MVP i ndeshjes finale për grupmoshën U-16 është shpallur Besjana Martinaj, basketbolliste e Riinvest Prishtinës, ndërsa trofeun ia ka ndarë zyrtari i FBK-së, Ard Islami.
Ndërkaq Kupën kapitenes të Riinvest Prishtinës, Besjana Martinaj ia ka dorëzuar anëtari i Bordit të FBK-së, Valton Bilalli.
Ndërkaq medaljet për ekipet finaliste i kanë ndarë anëtarët e Bordit, Kimete Haliti dhe Valton Bilalli.
