Ndeshja e dytë finale e play-offit të Ligës së Parë të Meshkujve ndërmjet Vëllaznimit dhe Feronikelit e paraparë për t’u luajtur sot është shtyrë për shkak të problemeve teknike dhe konform marrëveshjes ndërmjet Federatës së Basketbollit të Kosovës dhe platformës ArtMotion.
Kjo ndeshje do të luhet të enjten me fillim nga ora 19:00 në palestrën “Shani Nushi” në Gjakovë.
Aktualisht Feronikeli udhëheq në seri 1:0 dhe është vetëm një fitore larg sigurimit të një vendi në Superligën e Kosovës që nga edicioni i ardhshëm.
Megjithatë nëse Vëllaznimi triumfon të enjten, atëherë ndeshja e tretë do ta përcaktoj kampionin e kësaj lige.
Humbësi i finales do të luaj në play-out me ekipin e parafundit të Superligës së Kosovës për një vend në këtë ligë që nga edicioni i ardhshëm.
