Sigal Prishtina e ka mbrojtur titullin e kampionit në Ligën Ballkanike (BIBL) pavarësisht disfatës së pësuar të mërkurën mbrëma nga Mornar-i në Tivar të Malit të Zi me rezultat 75:68 (23:15, 12:24, 22:8, 18:21), derisa dueli i parë i luajtur në kryeqytet ka përfunduar me rezultat 82:68. Avantazhi i krijuar në ndeshjen e parë me 14 pikë dallim u ka mjaftuar prishtinasve, të cilët për vitin e dytë radhazi janë stolisur me trofeun e BIBL-it.
Më efikasit te Sigal Prishtina ishin Jason Washburn me 24 pikë dhe Dardan Berisha me 15 sosh, ndërsa në anën tjetër te Mornar-i më së shumti pikë kanë realizuar Lamont Jones, 22 sosh dhe Balsa Radunovic, 20 pikë.
Sigal Prishtina në gjysmëfinale të BIBL-it e ka mposhtur Beroe-n e Stara Zagora të Bullgarisë, kurse Mornari-i e ka eliminuar Kozuv-in nga Gjevgjelia e Maqedonisë.
Krahas Sigal Prishtinës në edicionin 2015/16 të Ligës Ballkanike kanë marr pjesë edhe dy skuadra të tjera kosovare, Peja dhe Bashkimi nga Prizreni. Pejanët janë eliminuar në cerekfinale, kurse prizrenasit janë ndalur në fazën e dytë.
Mornari-S. Prishtina 75:68 (23:15, 12:24, 22:8, 18:21)
Palestra e sportit në Tivar.
Gjyqtarë: M. Ciulin, G. Poursanidis, V. Velikov.
Mornar-i: Damjanoviq 5, Sampson 5, Jones 22, B. Radunoviç 20, Vujosheviq 2, Çaliq 5, Mijoviq 5, Mikoviq, Peroviq, Lopiqiq 5, Haxhibegoviq, Mugosha 6.
Sigal Prishtina: Kemp 2, Azemi 4, Peci, Jakupi, Berisha 15, Warren 11, Sinani, Marinov 6, Abukar 6, Washburn 24.