14 Prill 2017
Me ndeshjen Peja-Rahoveci që do të luhet sot me fillim nga ora 16:30 në palestrën e sporteve "Karagaçi" do të nis edhe java e XXVI në Superligën e Kosovës në basketboll.
Ndërkaq sonte në program është edhe ndeshja, ku Golden Eagle Ylli e pret Sigal Prishtinën duke filluar nga ora 19:00,kurse të shtunën Trepça do të përballet me Bashkimin,në ndeshjen që do të zhvillohet nga ora 19:00 në “Minatori” të Mitrovicë.
Të dielën në program është vetëm një takim, ai në Prishtinë,ku Kerasan Prishtina e pret Vëllaznimin. Kjo ndeshje do të luhet me fillim nga ora 19:00.
