Ndeshja e parë çerekfinale e play-offit të Superligës së Kosovës ndërmjet Rahovecit e Ponte Prizrenit që është ndërprerë dje, do të vazhdoj sot me fillim nga ora 19:00 në palestrën "Mizahir Isma" në Rahovec.
Ndeshja është ndërprerë pranë rezultatit 28:32 në favor të skuadrës mysafire, për shkak te problemit me njërin nga konstruksionet e koshit.
Sipas Propozicioneve të Garave për edicionin 2018/19 pas përfundimit të edicionit të rregullt, 6 ekipet e para janë plasuar në play-off.
Në raundin e parë ekipet që do të ndeshen janë 3-6 dhe 4-5 deri në dy fitore, kurse ekipet e renditura në pozitat 1 dhe 2 në raundin e parë do të pauzojnë dhe në gjysmëfinale do të takohen me ekipet nga renditja 3/4/5/6.
Ndeshjet e play off-it do të zhvillohen të dielën, të martën dhe të premtën në vazhdimësi pa ndërprerje nëse nuk vjen deri te zhvillimi i ndeshjes së fundit Konform Propozicioneve të Garave.
