15 Janar 2019
Sot me fillim nga ora 17:00 në palestrën e sportit “Sezai Surroi” në Prizren do të zhvillohet ndeshja e mbetur e xhiros së VII në Superligën e Kosovës në basketboll, ku do të takohen, Ponte Prizreni – Z Mobile Prishtina.
Këto dy skuadra janë takuar edhe një herë në stinorin vjeshtor, ku bardhekaltrit kishin triumfuar ndaj prizrenasve me rezultat 91:73.
Z Mobile Prishtina e ka përmbyllur pjesën vjeshtore në pozitën e parë në renditjen tabelare me 26 pikë të tubuara, derisa Ponte Prizreni është në pozitën e gjashtë me 18 pikë të grumbulluara.
Duhet theksuar se në këtë fundjavë do të filloj stinori pranveror në elitën e basketbollit kosovar.
